Bugatti-diń kelesi modeli álemdegi jyldam kólik bolmaq
ASTANA. QazAqparat - Bugatti-diń kelesi modeline 1500 at kúshi bar qozǵaltqysh ornatylyp, ol álemdegi jyldam serııalyq avtokólik ataǵyn qaıtaryp almaq.
Jańa mashınanyń syzbalary qazirgi kezde daıyndalyp bolǵan kórinedi.
Birinshi prototıp 2015 jyly tanystyrylady dep kútilýde.
Qazirgi kezde Veyron-nyń qýatty modıfıkatsııasy Grand Sport Vitesse dep atalady jáne onyń 16 tsılındrlik qozǵaltqyshynyń kúshi 1200 at kúshine teń. Onyń quny 1,7 mln. dollarǵa baǵalanýda.
Belgili bolǵandaı kelesi model de 16 tsılındrlik qozǵaltqyshpen jabdyqtalyp, onyń shanaǵy eki esikti bolady, dep jazady sheteldik BAQ.
Jańa modeldiń maqsaty - Veyron Super Sport ornatqan jyldamdyq rekordyn jańartý, ıaǵnı 431 shaqyrym/saǵattan asyp túsirý. Búginde bul jetistikten joǵary kórsetkishti amerıkalyq Hennessey Venom GT sýperkary eńsergen edi. 435,31 shaqyrym/saǵat nátıjesimen bul kólik álemdegi serııalyq avtomobılder ishinde eń jyldam dep tanyldy.
