Buǵan deıingi saılaýlardan qalys qalǵan emespin - soǵys ardageri
QYZYLORDA. QazAqparat - Buǵan deıingi saılaýlardan da esh qalyp kórgen joqpyn, deıdi Uly Otan soǵysynyń ardageri Pirnazar Myrzataev.
Eń qart saılaýshyǵa belsendilik tanytqany úshin 62-shi saılaý ýchaskesi tarapynan ardagerge shapan jaýyp, syı-qurmet kórsetti.
«Búgin qazaqstandyqtar úshin mańyzdy kún. Bul kún elimizdiń bolashaǵyn aıqyndaıdy. Buǵan deıingi saılaýlardan da esh qalyp kórgen joqpyn. Menińshe, ár turǵyn mundaı jaýapty kezde beıjaılyq tanytpaýy tıis. Búgin balalarym men nemerelerimniń bolashaǵy úshin daýys berdim. Bastysy, elimizde tynyshtyq, sonyń qunyn bilýimiz tıis. Kandıdattardy tańdaý úshin oılanyp, saralap, ólshep, ekshep, el bolashaǵy úshin tańdaý jasadym»,-deıdi 96 jastaǵy.
Sondaı-aq, Qazaly aýdanyna kelip toqtaǵan №380 Oral-Almaty baǵytyndaǵy poıyzynyń jolserikteri men jolaýshylary temirjol vokzalyndaǵy arnaıy bólmede saılaýǵa qatysyp, óz tańdaýlaryn jasady.
