Buǵan deıin ustalǵan «Báıterek Development» AQ basshylary tutqyndaldy
ASTANA. QazAqparat - Sybaılas jemqorlyqqa qarsy kúres ulttyq bıýrosy buǵan deıin ustalǵan «Báıterek Development» AQ basshylarynyń tutqyndalǵanyn málimdedi, dep habarlady QazAqparat.
«Astana q. Almaty aýdandyq №2 sotynyń sanktsııasymen «Báıterek Development» AQ basqarma tóraǵasynyń orynbasary A.Jaqypovqa, memlekettik-jeke áriptestik dırektsııasy departamentiniń basshysy B.Aıtymbetovke, burynǵy jáne qazirgi basqarýshy dırektorlar G.Anarbaıǵa G.Sárıevke, «Project City Group» JShS basshylary men quryltaıshylary K.Smaǵulovqa, B.Esmuhanovqa, E.Jumanazarǵa jáne A.Komarovaǵa «tutqyndaý» bultartpaý sharasy taǵaıyndaldy», - dep habarlady Ulttyq bıýrodan.
Tergeýshiler «Báıterek Development» AQ júıeli túrde para retinde 288 mıllıon teńge alǵanyn anyqtady.
Eske salaıyq, «Báıterek Development» AQ basshylyǵy asa iri kólemde para alý úshin uzaq ýaqyt boıy sybaılas jemqorlyq syzbasyn qoldanyp kelgen. Olar «Nurly jol» memlekettik baǵdarlamasy aıasynda aımaqtarda jaldamaly baspanalar salý boıynsha satyp alýlar kezinde qurylys kompanııalarynyń múddesin qoldap kelgen. Sotqa deıingi tergeý jumystary jalǵasýda.
