Buǵan deıin balalar úıinde tárbıelenip jatqan 343 múgedek bala óz otbasyna qaıtaryldy

Búgin Parlament Májilisiniń Áleýmettik-mádenı damý komıtetiniń keńeıtilgen otyrysy barysynda Eńbek jáne halyqty áleýmettik qorǵaý mınıstrliginiń Jaýapty hatshysy Aıda Qurmanǵalıeva osylaı málim etti.

Eske salsaq, komıtet otyrysynda «Qıyn ómir jaǵdaıyndaǵy balalar men jastar úshin arnaýly áleýmettik qyzmetterdi usyný júıesin ózgertý úshin jaǵdaılar jasaý» máselesi talqylanǵan edi.

Jaýapty hatshynyń málimetine qaraǵanda, 2012 jyldyń qorytyndysy boıynsha elimizde áleýmettik arnaýly qyzmetter 87 myńnan astam qart adamdar men múgedekterge kórsetilgen. «Onyń ishinde 20 myńnan astam jarymjan balalar bar. Al mınıstrlik tarapynan qabyldanǵan sharalarǵa kelsek, onyń nátıjesi aýqymdy. Máselen, byltyrdyń ózinde balalar úıinde turyp jatqan 343 bala óz otbasynyń ortasyna qaıta oraldy. Olar tirshilik qareketin tolyq jáne ishinara qalpyna keltire alý múmkindigine ıe dep baǵalanyp otyr», - deıdi A.Qurmanǵalıeva.