Býenos-Aırestegi narazylyq kezinde 15 adam zardap shekti
ASTANA. KAZINFORM – Argentına kongresiniń ǵımaraty mańyndaǵy úkimetke qarsy narazylyqtar kezinde 15 adam zardap shekti, dep jazady Rıa novostı.
TN telearnasynyń habarlaýynsha, polıtsııa narazylyq bildirgen eki adamdy ustaǵan.
Jańa prezıdent Haver Mıleıdiń ekonomıkalyq reformasy qarastyrylyp jatqan kongress ǵımaratyna argentınalyqtar ekinshi kún jınalyp jatyr. RIA Novostı tilshisiniń habarlaýynsha, narazylyq bildirýshiler jol boıyndaǵy kólik qozǵalysyn jaýyp tastady, al qaýipsizdik kúshteri olarǵa qarsy taıaq, gaz jáne rezeńke oqtardy qoldanǵan.
Latyn Amerıkasy elderinde narazylyq bildirýdiń dástúrli tásili - halyq qol soǵyp, qazandardy urady.
Ulttyq valıýtanyń qunsyzdanýy, baǵanyń kúrt ósýi, jalaqynyń óspeýi jáne jańa úkimettiń jaqyn bolashaqta qandaı da bir jeńildigi, ýáde etilgen jekeshelendirý máselesi kóptegen adamdardy kóshege shyǵýǵa májbúr etti. Mıleı bılikke kelgennen beri kásipodaqtar men solshyl qozǵalystar birneshe iri narazylyq aktsııalary men myńdaǵan adamnyń qatysýymen ereýil ótkizdi.
