Býenos-Aıreste búgin «Dakar» rallı-marafony bastalady
ASTANA. QazAqparat - Búgin, 2 qańtarda Argentına astanasy Býenos-Aıreste ataqty «Dakar» rallı-marafony bastalady. Bıylǵy jylǵy báseke Argentına jáne Bolıvııa aýmaǵy arqyly ótip, 16 qańtarda Rosarıo qalasynda márege jetedi. Jarys jolyna 350 mashına shyǵady.
«Dakar»-dyń toǵyz myń shaqyrymy shól, taýly jáne jazyq jerler arqyly ótedi. Trassa boıynda 4701 shaqyrymǵa sozylǵan 13 arnaıy ýchaske daıyndalǵan.
Rallıdi uıymdastyrýshylardyń aıtýynsha, «Dakar» marafonyna 143 mototsıkl, 46 kvadrotsıkl, 110 jol talǵamaıtyn avtomobıl jáne 55 júk kóligi shyǵatyn bolady.
