Býenos-Aıres qalasyn ýly gaz býyp tur
ASTANA. 9jeltoqsan. QazAqparat - Argentınanyń astanasy - Býenos-Aıreste ýly gaz aýaǵa tarap, odan zardap shekken birneshe qala turǵyny aýrýhanaǵa jetkizildi.
Al sol aýmaqta tirshilik keship jatqan jandar shuǵyl túrde qaýipsiz jerlerge kóshirildi, dep habarlaıdy Kazakh TV.
Isi qolqany qabatyn tútin qalanyń ortalyq keme aılaǵyndaǵy konteınerlerdiń birinde bolǵan órtten taraǵan. Ýly gaz tynys alý joldary men adam terisin zaqymdaǵan. Konteınerdiń ishinde ne zat bolǵany ázirshe belgisiz. Alaıda jergilikti ákimshilik ókilderi gazdyń zalalsyz ekendigine sendirip baǵýda. Zardap shekken aýdanda metro men poıyz qozǵalysy toqtady.
