Býenos-Aıres - 2018: Qazaqstan sportshylarynyń alǵashqy qarsylasy anyqtaldy
ASTANA. QazAqparat - Búgin Býenos-Aırestegi jasóspirimder Olımpıadasynyń alǵashqy jarys kúni bastalady. Alǵashqy bolyp badmıntonshy Dmıtrıı Panarın kortqa shyǵady, dep jazady Olympic.kz.
Panarınniń alǵashqy qarsylasy - moldovalyq Krıstıan Savın.
Eske sala keteıik, Dmıtrıı Panarın jasóspirimder Olımpıadasyna joldama alý úshin jıyrmaǵa jýyq irikteý týrnırine qatysyp, álemdik reıtıngte úzdik ondyqqa endi.
Sondaı-aq, 44 kelige deıingi salmaqta synǵa túsetin taekvondoshy Ásel Ýsmanovanyń da qarsylasy belgili. Ol alǵashqy kezeńde ázerbaıjandyq Mınaıa Akbarovamen kezdesedi.
