BUDSJ engizý qorytyndylary Qazaqstannyń densaýlyq saqtaý júıesinde básekelestikti damytýǵa jaǵdaı jasaǵanyn kórsetti
ASTANA. 24 jeltoqsan. QazAqparat - QR Densaýlyq saqtaý mınıstri Salıdat Qaıyrbekova densaýlyq saqtaý organdary men uıymdarynyń basshylarymen jumys keńesin ótkizdi, onda 2010 jyly Biryńǵaı ulttyq densaýlyq saqtaý júıesin (BUDSJ) engizý qorytyndylary jasalyp, 2011 jylǵy mindetter belgilendi, dep habarlady QR Densaýlyq saqtaý mınıstrliginiń baspasóz qyzmeti.
Qazaqstan Respýblıkasy Prezıdentiniń 2010 jylǵy 29 qarashadaǵy № 1113 Jarlyǵymen bekitilgen Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasy Biryńǵaı ulttyq densaýlyq saqtaý júıesin (BUDSJ) odan ári damytýdy kózdeıdi.
Patsıenttiń josparly emdeýge jatqyzý kezinde statsıonardy erkin tańdaý quqyǵy qamtamasyz etildi. Tańdaý quqyǵyn 550 myńnan astam patsıent paıdalandy. Óz óńirinde 94,4 paıyz azamat emdelip shyqty, basqa óńirge 2,0 paıyz azamat bardy, respýblıkalyq klınıkalarda - 4 paıyz turǵyn emdeldi. Emdelip shyqqan «qaladan tys» naýqastar úshin medıtsınalyq qyzmetti usynýshylar 1,2 mlrd. teńge somasyna paıda túsirdi.
Túpkilikti nátıjege baǵdarlanǵan statsıonarlardaǵy emdelip shyqqan jaǵdaıǵa aqy tóleý tósek-oryn qoryn tıimdi paıdalanýdy arttyrýǵa múmkindik berdi. Jyldyń qorytyndysy boıynsha 2 874 tósek qysqartyldy, 3 790 tósek qajetine qaraı qaıta beıindeldi, turyp qalatyn tósekter 5,4 paıyzǵa deıin azaıdy.
Joǵary shyǵyndy statsıonarlyq kómek kólemderiniń 9 paıyzǵa tómendeýi, tósek qoryn qarqyndy etý densaýlyq saqtaý júıesinde qaıta ınvestıtsııalanǵan 14,6 mlrd. teńgeni únemdeýge múmkindik berdi. Sonyń arqasynda joǵary mamandandyrylǵan medıtsınalyq kómek (JMMK) damı bastady, erte qalpyna keltire emdeý men medıtsınalyq ońaltý tehnologııalary engizildi, 2009 jylmen salystyrǵanda, kúndiz bolý tósekterinde patsıentter 2 ese kóp emdelip shyqty.
BUDSJ jaǵdaıynda JMMK tarıfteriniń ekonomıkalyq tartymdylyǵy JMMK-niń óńirlerde damýyn yntalandyrdy, halyqtyń qoljetimdiligin qamtamasyz etti, respýblıkalyq klınıkalarmen básekelestikti qurdy. Óńirlerde 1,5 eseden asa kardıohırýrgııalyq operatsııa jáne alǵash ret 700-den astam býyndardy aýystyrý operatsııasy júrgizildi.
BUDSJ engizý nátıjesi barlyq menshik nysandaryndaǵy medıtsınalyq uıymdar úshin teń múmkindikterdi qamtamasyz etý arqyly densaýlyq saqtaý júıesindegi básekelestikti damytý; patsıenttiń statsıonardy erkin tańdaý quqyqtaryn saqtaý; medıtsınada, onyń ishinde óńirlik deńgeıde joǵary tehnologııalardy damytý; medıtsınalyq uıymdardyń derbestigin arttyrý úshin jaǵdaı jasady.
2011 jyly BUDSJ-ny odan ári damytý statsıonarlyq jáne statsıonardy almastyratyn kómekti satyp alýdy jáne aqy tóleýdi jetildirýdi; táýliktik emdeýge jatqyzýdy 5 paıyzǵa tómendetýdi jáne statsıonardy almastyratyn kómekti odan ári damytýdy; ǵylymı-zertteý ınstıtýttary, ǵylymı ortalyqtary men óńirlerdiń medıtsınalyq uıymdaryna shetelden joǵary tehnologııalar transfertin kózdeıdi. Nesıelik qaryzdardyń (bankrottyq) qalyptasýyna jol bermeý maqsatynda BUDSJ tıimdiliginiń monıtorıngi úshin aldyn ala sheshimder qabyldanatyn, medıtsınalyq qyzmetterge aqy tóleýdegi tarıftik saıasat jetildiriletin bolady.
Odan basqa, medıtsınalyq-sanıtarlyq alǵashqy kómekti (MSAK) damytý úshin 2011 jyly 6 mlrd. teńge kóleminde jan basyna shaqqanda teńestirý, bekitilgen halyq densaýlyǵynyń belgili bir kórsetkishterine jetý jaǵdaılary kezinde 6,7 mlrd. teńge somasynda yntalandyrý komponentin engizý, 1,3 mlrd. teńge somasynda sanıtarııalyq avıatsııa qyzmetterin satyp alý josparlanýda.
Lızıngte negizgi quraldardy satyp alý, medıtsına qyzmetkerleriniń biliktiligin arttyrý bóliginde tarıfke qosymsha komponentterdi engizý boıynsha ilki jobalar engiziletin bolady.
Aýrýlardyń aldyn alý maqsatynda qarjylandyrý ekpinin statsıonarlyq deńgeıden MSAK deńgeıine aýystyrý tetigi ázirlenetin jáne engiziletin bolady.
Emdeýge jatqyzý bıýrosy portalymen jumysty jetildirý jalǵasatyn bolady.
BUDSJ emdeý-dıagnostıkalyq protsesine barlyq qatysýshylardy, onyń ishinde patsıenttiń ózin qamtıtyndyqtan, 2011 jyly halyqpen jáne medıtsınalyq jurtshylyqpen keń aýqymdy túsindirý jumysy jalǵasatyn bolady.
