Býddıst Abaıdyń sózin umytpaýǵa shaqyrdy
«Býddızmniń ilimi boıynsha barlyq adamdar bir-birine janashyrlyqpen qarap, zańdardy bir-birine qaıshy qoımaýy tıis. Birlik degenimiz - adamnyń jany men táni birtutas bolýy kerek. Sol sııaqty jeke adam men qoǵam bir-birinen ajyramaýy tıis. Qaıyrymdylyqqa bet buryp, ádiletke erik bergen jaǵdaıda ǵana biz adamı qaǵıdattardy túsine alamyz. Mine, býddızm iliminiń negizgi qaǵıdattary osy», - dedi Chýn I Álemdik jáne dástúrli dinder kóshbasshylarynyń VI sezi aıasynda ótip jatqan «Jahandyq qaýipsizdik tujyrymdamasy retindegi «Manıfest. HHІ ǵasyr»» taqyrybynda ótken otyrysta.
Chýn Idiń aıtýynsha, álemdegi dinderdiń bári ártúrli bolyp kelgenimen, olardyń adamǵa degen qamqorlyq barlyq dinderdiń túpqazyǵy.
«Ózińe tilemegendi ózgege tileme - Býdda bizge osyndaı sabaq berdi. ıAǵnı, óziń qandaı baqytty bolǵyń kelse, ózgege de sondaı jaqsylyq jasaýǵa tyrys degen maǵynany bildiredi. Barlyq mádenıetter men dinderdiń úndeýi bir ǵana ortaq núktege túıisedi. Barlyǵy da adamnyń jaqsylyǵyna, baqýattylyǵyna negizdelýi tıis. Adasýdan alys bolǵanymyz abzal. Abaı Qunanbaıuly «Aqyryn júrip, anyq bas, Eńbegiń ketpes dalaǵa» degendeı árqaısymyz jaqsylyqty ózimizden bastaıyq. Búkil adamzattyń jarqyn bolashaǵy - ár adamnyń jaqsylyq jasaýynan bastalady», - dedi Chýn I.
Eske sala ketsek, Álemdik jáne dástúrli dinder kóshbasshylarynyń VI sezi Astanada keshe bastalǵan bolatyn. Alqaly jıynǵa barlyq álemdik jáne dástúrli dinderdiń ókilderi, sonymen qatar bedeldi dinı lıderler, saıası qaıratkerler men halyqaralyq uıym ókilderinen quralǵan 46 elden 82 delegatsııa qatysýda. Sezdiń mártebeli meımany - Serbııa Respýblıkasynyń Prezıdenti Aleksandr Výchıch. Jahandyq sharanyń basty jáne negizgi taqyryby - «Dinı lıderler qaýipsiz álem úshin».
Sez barysynda Qazaqstan Prezıdenti Nursultan Nazarbaev memleketter arasyndaǵy senimdi nyǵaıtyp, qaýipsiz álemdi qalyptastyrý jolynda konfessııaaralyq, órkenıetaralyq dıalog ortalyǵyn bekitýge daıyn ekenin málimdegen bolatyn.
