Býdda Qazaqstannan shyqty ma?
ASTANA. QazAqparat - Belgili arheolog Arman Omarhodjıev Býdda saq taıpasynan shyqqanyna senimdi. Jýyrda ol Nepalǵa baryp Býddanyń urpaǵynyń kómegimen genetıkalyq synaq jasap kórdi. Arheolog jıǵan derekter saqtyń Altyn adamy men Býdda bir adam bolýy múmkin ekenin kórsetti, dep jazady «Ekspress-K» gazeti.
Býddanyń urpaǵy bolyp tabylatyn shakıa taıpasy genetıkalyq zertteýge kelisti. Nátıjesinde shakıa qazaqtardyń týysy bolyp shyqty. Sonymen qatar, «Saqtan shyqqan dana» derekti fılmin qurastyrýshylar muny aıǵaqtaıtyn birneshe dálel tapqan. Taýly Nepalda tabylǵan artefaktar saqtyń zattaryna uqsas. Nepal jáne qazaq tilindegi keı sózder uqsas bolyp keledi. Mysaly, «jan» jáne «apta» sózderi nepal tilinde de bar jáne maǵynalary da qazaq tilindegideı.
Aıta ketý kerek, Býdda saqtan shyqty degen kókten alynǵan joq. Bizdiń zamanymyzdaǵy II ǵasyrdyń sońynda saqtar Soltústik Úndistandy basyp alǵan. Býddanyń hanzada bolǵany belgili. Sıdhartha Gaýtama (Býddanyń ındýstyq aty) tiri kezinde Soltústik Úndistan men Nepalda saqtar bılik etken. Endeshe ol saq urpaǵy bolýy tıis. Bul onyń Shakıamýnı esimin de rastaıdy. Onyń esiminiń tikeleı aýdarmasy «Saqtan shyqqan dana» degendi bildiredi.
