Býdapeshttegi álem chempıonatynda 12 boksshymyz súrinbeı keledi
QR Boks federatsııasynyń baspasóz qyzmeti málim etkendeı 21 tamyzda jalaýy jelbiregen dodada 66 memleketten 360 boksshy baq synaýda.
Іrikteý kezeńiniń 4-shi kúni 6 qazaqstandyq boksshy sharshy alańǵa shyǵyp, barlyǵy da jeńiske jetti. Olar: Ermahan Jaqpekov (69 kg), Beıbarys Jeksen (56 kg), Rahat Seıitjan (60 kg), Talǵat Sháıken (64 kg), Saǵyndyq Toǵambaı (81 kg) men Nurbek Oralbaı (75 kg).
Ermahan Jaqpekov (69 kg) ıtalııalyq Salvator Kavallarony jeńdi. Endi ol jergilikti boksshy Tıbor Barbos Konstantınmen kezdesedi.
Beıbarys Jeksen (56 kg) marokkolyq Abdessamad Abbazdy tize búktirdi. Endi ¼ kezeńinde reseılik Vsevolod Shýmkovpen bokstasady.
Qazylardyń biraýyzdan qoldap daýys berýimen Rahat Seıitjan (60 kg) 1/8 kezeńinde Aleksandr Radıonovty (Belorýssııa) utty, endi jerlesimiz mysyrlyq Maravan Mamdýh Mýhammedqa qarsy sharshy alańǵa shyǵady.
Saǵyndyk Toǵambaı alǵashqy kezdesýinde aǵylshyn Kerol Itaýmany jeńdi. Endi Vıtalıı Stalchenkomen (Ýkraına) baǵyn synaıdy. Talǵat Sháıken (64 kg) 1/8 kezeńinde Ota Djonsomdy (SShA) utyp, endi kýbalyq Idalberto Ýmar Irıbarmen (Kýba) judyryqtasady.
Nurbek Oralbaı 1/8 kezeńinde kýbalyq Edel Akosta Garsııany utyp, endi meksıkalyq Dıego Pachekomen rıngke shyǵady.
Búgin, ıaǵnı, 25 tamyz kúni sharshy alańǵa shyǵatyn boksshylar: Damır Toıbaı (+91 kg), Erkejan Dáýletjanqyzy (57 kg), Juldyz Toıkova (64 kg), Mahmud Sabyrhan (49 kg) jáne Maııa Beısebaeva (69 kg). Maııa Beısebaeva men Mahmud Sabyrhan kelesi kezdesýlerinde jartylaı fınalǵa shyǵý úshin judyryqtasady.