Býdapeshttegi týrnır: Álisher Erǵalı men ıÝsýp Batyrmýrzaev fınalǵa shyqty

ASTANA. KAZINFORM – Majarstan astanasy Býdapesht qalasynda ótip jatqan kúres túrlerinen reıtıngilik týrnırde qazaqstandyq eki balýan fınalǵa joldama aldy. 

Jartylaı fınalda ıÝsýp Batyrmýrzaev (125 keli) grýzııalyq Geno Petrıashvılıden basym tússe, taǵy bir otandasymyz Álisher Erǵalı (97 keli) ázerbaıjandyq Magomedhan Magomedovti jeńdi. Al, Rızabek Aıtmuqan (97 keli) qola júldege talasady. Onyń qarsylasy – slovakııalyq Batyrbek Tsakýlov. 

Fınaldyq kezdesý Astana ýaqytymen 20:00-de bastalady. 

Erteń, 7 maýsymda erkin kúresten Azamat Dáýletbekov (86 keli) bozkilemge shyǵady. Sondaı-aq lıtsenzııalyq týrnırde elimizdiń atynan grek-rım kúresinen Aıdos Sultanǵalı (60 keli), Demeý Jadyraev (77 keli), Nursultan Tursynov, Shámil Ojaev (86 keli) jáne Álimhan Syzdyqov (130 keli) saıysqa túsedi. 

Áıelder kúresinen qurama sanynda Emma Tısına men Marına Sedneva (55 keli), Dıana Kaıýmova men Irına Kýznetsova (59 keli), Irına Kazıýlına (65 keli) jáne Jámıla Baqbergenova men Gúlmaral Erkebaeva (72 keli) baq synaıdy. 

QR Kúres túrleri federatsııasynyń baspasóz hatshysy Aspandııar Esenjolovtyń aıtýynsha, reıtıngilik týrnır Olımpıada aldyndaǵy sońǵy synaq bolyp otyr. Budan keıin qorytyndy reıtıngi shyǵarylady. Sonyń negizinde Olımpıada jerebesi tartylady. Reıtıngide joǵary turǵan balýandar az upaı jınaǵan qarsylasymen kezdesedi. Bul jóninen Azamat Dáýletbekov birinshi orynda keledi. Qalǵan sportshylar upaı qoryn molaıtýy tıis. 

Aıta ketsek, Qazaqstan dzıýdo federatsııasy 60 kelige deıingi salmaq dárejesinde Parıj Olımpıadasynyń qatysýshysyn anyqtaý maqsatynda irikteý beldesýin ótkizetinin habarlady.