Býdapeshtte serýen kemesi aýdarylyp, 7 adam qaza tapty, 16-sy iz-túzsiz joǵalǵan
NUR-SULTAN. QazAqparat - Býdapesht qalasynyń ortalyǵynda, Dýnaı ózeninde serýendeý kemesi aýdarylyp jeti adam qaza tapty. Bul týraly beısenbi kúni Reuters habarlady.
Keme bortynda 30-dan astam adam bolýy múmkin.
Budan buryn úsh adamnyń qaza tapqany jáne 16-synyń iz-túzsiz joǵalǵany habarlanǵan bolatyn. Al 14 týrısti qutqarýdyń sáti tústi.
Vengrııa qutqarý qyzmetiniń aqparatyna qaraǵanda, zardap shekkenderdiń kópshiligi shyǵysazııalyq elderdiń azamattary, basym bóligi QHR-den.
Reuters agenttiginiń málimeti boıynsha, bortta Ońtústik Koreıanyń úsh azamaty bolǵan. Qutqarý qyzmetiniń habarlaýyna qaraǵanda, Dýnaıda, Vengrııa parlamenti mańynda eki serýendeý kemesi soqtyǵysqan. Aýa raıynyń qolaısyzdyǵy qutqarý jumystaryn qıyndatyp otyr.
