Býdapeshtte Qazaqstan-Majarstan bıznes-forýmy ótedi
ASTANA. QazAqparatt - Bıyl 5-6 naýryzda Býdapeshtte Qazaqstan-Majarstan bıznes-forýmy ótedi, dep habarlaıdy QazAqparat.
«2014 jyldan beri Majarstannyń syrtqy saıası vedomstvosy da ınvestıtsııa tartý jáne syrtqy naryqtarda eksportty ilgeriletý sharalarymen aınalysýda. Qazaqstan ekonomıkasyna majar ınvestıtsııasyn tartý máseleleri pysyqtaldy, sondaı-aq osy eldegi syrtqy ekonomıkalyq jáne Syrtqy ister mınıstrliginiń tájirıbesi zerdelendi. Osy oraıda bıyl 14-15 qańtarda «Kazakh Invest» UK» AQ basqarma tóraǵasy Saparbek Tuıaqbaev bastaǵan Qazaqstan delegatsııasy Býdapeshtke saparlady», - dedi Qazaqstannyń Majarstandaǵy Tótenshe jáne ókiletti elshisi Nurbah Rústemov.
Sapar nátıjesinde bıyl 5-6 naýryzda Býdapeshtte bıznes-forým ótkizý ýaǵdalastyǵy jasaldy. Forýmda Qazaqstanda naqty ınvestıtsııalyq jobalardy iske asyrý baǵyty talqylanady.
«Kazakh Invest» UK» AQ majar tarapyna 100-ge tarta bıznes-jobany usyndy. Qazirgi kezde atalǵan elde osy jobalar tyńǵylyqty zerttelip jatyr», - dedi elshi.
Búginde Qazaqstanda majar kapıtalynyń úlesimen 50-ge jýyq birlesken kásiporyn jumys istep jatyr. Bul turǵyda qazaqstandyq-majarlyq iskerlik keńes qurylyp, tıisti kelisimdik-quqyqtyq baza qalyptastyryldy.
