Býdapeshtte iri kólik apaty boldy: 42 kólik soqtyǵysyp, 19-y janyp ketti
El astanasynyń Bas polıtsııa basqarmasy málim etkendeı, 19 kólik janyp ketken, 40-qa jýyq adam jaraqat alǵan.
«Aýrýhanaǵa 39 adam jetkizildi. Onyń 29-y eresek adam, 10-y — bala. 10 eresek adam aýyr jaraqat alǵan, 19-y jeńil jaralanǵan. 4 bala aýyr jaraqat alsa, 6 bala jeńil jaraqat alǵan» dep habarlaıdy Ulttyq jedel járdem qyzmetiniń baspasóz hatshysy Pavel Derfı.
Onyń aıtýynsha, japa shekkenderdi evakýatsııalaý úshin 4 tikushaq, 16 jedel járdem kóligi paıdalanylǵan.
Jedel járdem brıgadalary Býdapeshtten ǵana emes, Dera, Tatabanı jáne Sekeshfehervara sekildi basqa qalalardan da kelgen.
Polıtsııa apatqa qatty jel turyp, qumdy daýyl soqqandyqtan joldyń kórinbeı qalýy sebep bolǵanyn aıtyp otyr.
M1 tasjoly— Avstrııaǵa qaraı bastaıtyn avtojol. Qazir ol eki baǵytta da jabyq tur.
