Býdapeshte Qazaqstan Prezıdenti N. Nazarbaev týraly ómirbaıandyq kitaptyń tusaýkeseri ótti
Bul týraly Aqordanyń baspasóz qyzmetinen habarlady.
Tusaýkeser Qazaqstan Prezıdenti Nursultan Nazarbaevtyń Vengrııaǵa aldaǵy osy jyldyń maýsym aıynyń basynda jasalatyn resmı saparyna oraılastyryldy.
Bul kitapty N.Á.Nazarbaevtyń ómiri men qyzmetin resmı tarıhı-ǵumyrnamalyq zertteýdiń alǵashqy tájirıbesi deýge bolady. Munda onyń qarapaıym aýyldaǵy jasóspirim kezinen bastap, ult kóshbasshysyna deıingi ómir joly baıandalady.
Basylymda basty nazar N.Á.Nazarbaevtyń saıası ómirbaıanyna aýdarylǵan, ol Qazaqstannyń HH-HHІ ǵasyrlar aralyǵyndaǵy damýy kezinde bolyp ótken dramalyq jáne ádetten tys oqıǵalar men protsesterdiń aıasynda berilgen.
Aýqymdy muraǵat materıaldarynyń negizinde ázirlengen ómirbaıan Qazaqstannyń eń bertingi tarıhy boıynsha eleýli qujattama kózi bolyp tabylady. Kitapta fotosýretpen bezendirýdiń baı materıaldarymen birge, jeke qujattardyń túpnusqalarymen teńdes kóshirmeleri alǵash ret usynylady. Al munyń ózi oqyrmannyń sýretteletin oqıǵalar aýanyna tolyǵyraq qanyǵýyna septigin tıgizedi.
Bul basylymǵa onyń avtory Qazaqstan Respýblıkasy Prezıdenti Keńsesiniń bastyǵy, saıası ǵylymdar doktory, professor Mahmut Qasymbekov ekeni týraly derek erekshe qundylyq beredi, ol kóp jyldar boıy memleket basshysynyń tikeleı qaramaǵynda qyzmet atqaryp, prezıdenttik ınstıtýtty zertteýmen kásibı turǵyda aınalysyp keledi.
Onyń ǵylymı jáne shyǵarmashylyq qorynda prezıdenttik ınstıtýtqa, N.Á.Nazarbaevtyń saıası qyzmetine arnalǵan ǵylymı monografııalar, oqý quraldary, kóp tomdyq basylymdar, pýblıtsıstıkalyq jınaqtar, kóptegen maqalalar bar.
Qazaqstan Prezıdenti týraly ǵumyrnamalyq kitaptyń 2012 jyly jaryq kórgen sátinen bastap, tek Otanymyzda ǵana emes, shet elderde de qyzyǵýshylyq týdyrýy kezdeısoq emes. Qysqa merzim ishinde ol orys, aǵylshyn jáne arab tilderine aýdarylyp, jaryq kórdi.
Kitaptyń vengr tilindegi nusqasy Qazaqstan Respýblıkasynyń Vengrııadaǵy Elshiliginiń qoldaýymen jaryq kórdi. Onyń Vengrııa Ǵylym akademııasynyń ǵımaratynda ótken tusaýkeserine vengr tarapynan Vengrııa Parlamentiniń Tóraǵasy Shandor Lejak, Vengrııa Parlamentiniń Dýaıeni ıAnosh Horvat , Óńirlik damý mınıstri Shandor Fazekash, QR Vengrııadaǵy qurmetti konsýly Laslo Horvat pen basqa da resmı adamdar, ǵylymı jáne shyǵarmashylyq zııalylarynyń, Vengrııadaǵy qazaq dıasporasynyń ókilderi, jýrnalıster men stýdentter qatysty.
Qazaqstan tarapynan kitaptyń avtory Mahmut Qasymbekov, QR Vengrııadaǵy Elshisi Nurbah Rústemov, QR Parlamenti Senatynyń depýtaty, Qazaqstan Jazýshylar odaǵy basqarmasynyń tóraǵasy Nurlan Orazalın, QR Prezıdenti Keńsesi bastyǵynyń orynbasary Baqytjan Temirbolat, L.N.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov, QR Tuńǵysh Prezıdenti kitaphanasynyń dırektory Meıir Eskendirov qatysty.
Kezdesý jyly ári senimdi pikir alysý jaǵdaıynda ótti.Tanystyrylymǵa qatysýshylar Qazaqstan basshysy týraly vengr tilinde jaryq kórgen kitap eki dostas halyqtardyń jaqyndasa túsýi oraıyndaǵy taǵy bir naqty qadam degen ortaq pikirde boldy.