Býdapesht mańynda áýede eki jeńil ushaq soqtyǵysty
ASTANA. QazAqparat - Vengrııanyń Gedelle qalasynda, Býdapeshtten 30 shaqyrym aımaqta áýede eki jeńilmotorly ushaq soqtyǵysyp, 4 adam mert boldy, dep habarlaıdy www.lenta.ru.
Áýeapaty parashıýt sportynan ótip jatqan jarystar kezinde oryn aldy. Piper ushaǵynan 28 sportshy sekirip, onyń sońynan ushaq burylyp bara jatyp, Cessna 182 ushaǵymen soqtyǵysty.
Oqıǵaǵa baılanysty jarııa etilgen málimetter boıynsha, Gedelle qalasynyń áýe keńistigi jarysqa qatyspaıtyn ushý apparattary úshin jabyq bolǵan. Buǵan qosa Cessna ushaǵynyń áýege kóterilýi bılik ókilderimen kelisilmegendigi anyqtaldy.
Polıtsııa ókilderiniń habarlaýynsha, oqıǵanyń oryn alýyna adamı faktor yqpal etken.
Foto: Szilard Koszticsak / AP
