Býdapesht qalasynda Elbasynyń maqalasy talqylandy
ASTANA. QazAqparat - Búgin Vengrııadaǵy QR elshiliginde Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasy talqylandy. Sharaǵa qazaqstandyq stýdentter men dıaspora ókilderi qatysty.
Jınalǵan jurtshylyqqa qujattyń negizgi maqsattary men júktegen mindetteri túsindirildi. Іs-sharaǵa qatysýshylar sanany jańǵyrtý ıdeıasyn qulshynyspen qabyldap, el tarıhyndaǵy jańa leptiń kýási boldy. Prezıdenttiń atalǵan maqalasynda avtordyń tujyrymdaǵan shynaıy ıdeıalaryn júzege asyrýǵa baǵyttalǵan qazirgi tańda ózekti bolyp sanalatyn qoǵamdyq-saıası jáne mádenı-tanymdyq jobalar túrindegi naqty sharalardyń kórsetilgendigi atalyp ótildi.
Kezdesýdi uıymdastyrýǵa Vengrııada bilim alyp júrgen qazaqstandyq stýdentter muryndyq boldy. Olar Elshilikpen únemi tyǵyz qarym-Dıplomatııalyq ókildik uıymdastyratyn is-sharalarǵa belsendi qatysyp, udaıy aqyl-keńes, kómek surap otyrady. Elbasy maqalasyndaǵy bilimniń saltanat qurýy jáne básekelik qabilet baǵyttary stýdentterdiń úlken qyzyǵýshylyǵyn týdyrǵan.
«Sheteldik ýnıversıtetterde alǵan bilimimiz ózekti bolyp, elimizdiń órkendeýi úshin bar kúsh-jigerimizdi sarp etetinimizge senimdimiz», - dep málimdedi stýdent Serik Kerimqulov.
Dıaspora ókilderi, óz kezeginde, qazaq álipbıiniń latyn qarpine kóshýi týraly bastamaǵa qyzyǵýshylyq tanytty.
Sondaı-aq, stýdenttermen mádenı-gýmanıtarlyq saladaǵy yntymyqtastyqty nyǵaıtý máseleleri talqylandy.
