Budan da bıik shyńdardy baǵyndyramyz – Sanjar Táshkenbaı

ASTANA. QazAqparat – Tashkent qalasynda bokstan álem chempıony atanǵan Sanjar Táshkenbaı óziniń jeńisine oraı pikir bildirdi, dep habarlaıdy QazAqparat tilshisi.

Sanjar Táshkenbaı barsha qazaq eline qoldaǵany úshin alǵysyn aıtty.

«Allanyń qalaýymen búgin jeńiske jettik. Barsha qazaq eline qoldaǵany úshin rahmet. Biz munymen toqtamaımyz. Buıyrsa, úlken shyńdardy baǵyndyramyz. Ózimniń bapkerime, komandama, ata-anama, baýyrlaryma alǵys aıtamyn», dedi S.Táshkenbaı.

Álem chempıonatynyń kúmis júldegeri atanǵan Dýlat Bekbaýov ta alǵysyn bildirip, qolynan kelgeniniń bárin jasaǵanyn jetkizdi.

Eske sala keteıik, budan buryn búgin Tashkentte Sanjar Táshkenbaı men Dýlat Bekbaýovtyń altynǵa talasatynyn jazǵan edik.

Sanjar Táshkenbaı Tashkentte bokstan álem chempıony atandy.

Dýlat Bekbaýov bokstan álem chempıonatynyń kúmis júldegeri boldy.