Budan bylaı júrgizýshiler aıyp turaǵyndaǵy kóligin az ýaqytta ákete alady
ALMATY. QazAqparat - Almaty júrgizýshileri kólikterin aıyp turaǵynan az ýaqytta alyp ketetin boldy, dep habarlaıdy QazAqparat tilshisi.
Qalalyq jolaýshylar kóligi jáne avtomobıl joldary basqarmasy men polıtsııa departamenti arasyndaǵy vedomstvoaralyq komıssııanyń sheshimimen Almatydaǵy «Kókjıek» shaǵynaýdanyndaǵy eń úlken aıyp turaǵynda ákimshilik polıtsııa beketi ashyldy.
Endi quqyq buzýshylar kóligin sol jerde rásimdep alyp kete alady.
«Búgingi kúni kólikti qaıtarý barlyq quqyqtyq protsedýralardy qosqanda uzaq ýaqytty alady. Erteńnen bastap júrgizýshiler qujattaryn sol jerde rásimdep, kóligin ákete beredi», - dedi basqarmadan.
