Budan bylaı jolaýshylar poıyzǵa avtomatty júıe arqyly otyrǵyzylatyn bolady
Bul týraly búgin atalmysh júıeniń tanystyrylymy barysynda «Jolaýshylar tasymaly» aktsıonerlik qoǵamynyń Damý basqarmasynyń bastyǵy Almas Aıtbaev málim etti.
Onyń aıtýynsha, jańadan engizilip otyrǵan júıe jolaýshylarǵa yńǵaıly jaǵdaı jasaý úshin qolǵa alynyp otyrǵan ınnovatsııalyq joba. «Endi óz erkimen ınternet arqyly nemese tólem apparattarynan bılet rásimdegen jolaýshylar poıyzǵa jeke kýáligi men tokenin kórsetip-aq otyra beredi. Bul júıe bıletterdi elektrondy jolmen satý júıesi men adam faktoryn azaıtý maqsatynda qolǵa alynǵan. Jobany ázirge tek «Almaty-Astana» baǵyty boıynsha jyljıtyn «Tulpar» poıyzyna engizýge múmkindik týyp otyr. Aldaǵy ýaqytta biz elimizdegi ózge de poıyzdardy osyndaı júıemen qyzmet etýge yńǵaılaımyz», - dedi basqarma bastyǵy.
