Budan bylaı zeınetke shyǵý úshin bir ǵana ótinish jazý jetkilikti

ASTANA. QazAqparat - 2018 jyldyń qazan aıynan bastap zeınet jasyna jetkender úshin zeınetaqyny rásimdeý tártibi jeńildedi, dep habarlaıdy QazAqparat «Azamattarǵa arnalǵan úkimet» korporatsııasynyń baspasóz qyzmetine silteme jasap.

Endi zeınetkerlikke baılanysty tólemder taǵaıyndaý boıynsha barlyq memlekettik qyzmetter «bir ótinish» prıntsıpi boıynsha  «Azamattarǵa arnalǵan úkimet» memlekettik korporatsııasynyń halyqqa qyzmet kórsetý ortalyqtary arqyly kórsetiledi.

Buǵan deıin zeınet jasyna jetken azamat HQO-ǵa kelip, zeınetkerlik jasqa jetkeni jáne bazalyq zeınetaqy tóleý týraly 2 ótinish beretin, sosyn bir aıdan keıin qaıtadan memlekettik kepil tólem jasaý týraly ótinish jazatyn. Sodan keıin  Biryńǵaı jınaqtaýshy zeınetaqy qoryna tólemderdi tóleý jaıly taǵy  bir ótinish beredi. Endi osy 4 qyzmet úshin HQO-ǵa bir-aq ret kelip, bir ǵana ótinish tastasa jetkilikti.

Kompozıttik qyzmet quramyna jasyna baılanysty zeınetaqy taǵaıyndaý, memlekettik bazalyq zeınetaqy tólemderi jáne BJZQ-dan zeınetaqy tóleý qyzmetteri kirip otyr. Budan basqa, memlekettik kepildi tólemderdi tóleý proaktıvti túrde - adamnyń mindetti qatysýynsyz júzege asyrylady.

Aıta ketý kerek, 2018 jyldyń 9 aıynda memlekettik korporatsııa mamandary zeınet jasyna jetkender boıynsha 67 374 tólem, sondaı-aq 76 643 bazalyq zeınetaqy men 51 571  memlekettik kepildik tólemderin rásimdedi.