Budan bylaı shahmat mektep baǵdarlamasyndaǵy mindetti pánderdiń qatarynda oqytylatyn bolady
ASTANA. QazAqparat - 2014-2015 oqý jylynan bastap Ispanııanyń Kosta Blanka qalasyndaǵy CEIP L'Olla orta mektebiniń ákimshiligi shahmatty mindetti pánderdiń qataryna qosty, dep jazady "Ispanııa po-rýsskı".
Alǵash bundaı bastamany osydan 18 jyl buryn Alıkante provıntsııasyndaǵy Elche qalasynyń CEIP Luis Vives mektebi kótergen. Onda matematıka, fızıka sekildi mindetti pánder qataryna shahmat páni de qosylyp oqytylypty.
2007 jyly osy mektepti óz kózimen kórip qatý úshin shahmattan álemniń eks-chempıony Anatolıı Karpov baryp qaıtqan eken.
Bul elde memlekettik bilim berý júıesine shahmatty jeke pán retinde qosý týraly ótinishter sońǵy ýaqytta jıi bildirilip júr. Al, 2012 jyly Eýroodaq Parlamenti shahmatty eldegi bilim berý júıesinde pán retinde tirkeý týraly usynys jasapty. Biraq bilim berý salasyndaǵy sheneýnikter buǵan áli mardymdy jaýap qatpaǵan.
