Budan bylaı nómirdi ózgertpeı, basqa baılanys operatoryna aýysýǵa bolady
ASTANA. QazAqparat - Senat depýtattary búgin «Aqparattandyrý týraly» zań jobasyn qabyldady, dep habarlady www.24.kz.
Bul qujat telefon nómirin qaldyra otyryp, uıaly baılanys operatoryn aýystyrýǵa múmkindik beredi. ıAǵnı siz qoldanyp júrgen operatordyń qyzmeti men tarıfi unamasa, basqasyna op-ońaı aýysa alasyz. Ol úshin jeke kýálikpen tıisti mekemege baryp, ótinish jazsańyz bolǵany. «Bul óz kezeginde baılanys operatorlary arasyndaǵy básekelestikti arttyryp, tildesý qunynyń tómendeýine áser etedi», - deıdi mamandar. Budan bólek, zań jobasymen memlekettik organdarǵa jańa tehnologııalardy engizý arqyly keıbir qyzmet túrlerin avtomattandyrý qarastyrylǵan.
«Zań jobasynyń basty maqsaty - azamattarǵa kórsetiletin memlekettik qyzmetti barynsha jedeldetip, sapasyn arttyrý bolyp tabylady. Máselen Qarjy, Ádilet mınıstrlikteri men statıstıka agenttiginiń júıelerin biriktirý arqyly zańdy tulǵalar birneshe saǵattyń ishinde tirkeýge alynatyn boldy. Al buryn ol bir aıǵa sozylatyn. Sondaı-aq mobıldi quldyqqa tyıym salynyp, qylmys týraly habar beretin ınternet-portal qurylady, QR Investıtsııalar jáne damý mınıstri Áset Isekeshev.
