Budan bylaı mekemeler azamattardan anyqtama talap etpeıdi

NUR-SULTAN. QazAqparat - Eńbek jáne halyqty áleýmettik qorǵaý mınıstrligine qarasty Digital office Tsıfrlyq damý, qorǵanys jáne aeroǵarysh ónerkásibi mınıstriniń azamattardyń mekenjaı anyqtamasyn alýdan bas tartý týraly bastamasyn qoldaıdy, dep habarlaıdy QazAqparat Digital office-ke silteme jasap.

Qazirgi tetikter aıasynda, eger zańdy tulǵaǵa nemese memlekettik organǵa aqparat qajet bolsa, olar osy azamattyń anyqtamasyn ózdiginen bir rettik parol nemese mobıldi azamattar bazasy arqyly ala alady.

EHÁQM Digital office qyzmetteri aıasynda derekterdi azamattardyń qatysýynsyz alý úlgisine ótedi. Endi azamattan eńbek jaǵdaıy (jumyssyzdyq) týraly anyqtamany talap etken uıym ony qyzyqtyratyn aqparatty jeke tulǵanyń tikeleı qatysýynsyz alýy tıis.

Eńbek jáne halyqty áleýmettik qorǵaý vıtse-mınıstri Narıman Muqyshev mynadaı málimdeme jasady:

«Bizde adamdardyń jumyssyz ekenin aıǵaqtaıtyn anyqtama bar. Osy bastama aıasynda atalmysh anyqtamany joıýdy maqsat etip qoıdyq. Ol mektep, bank, sot jáne t.b. birqatar mekemeler úshin qajet. Barlyq baǵyttar boıynsha bıyl osy anyqtamany alý qajettigin toqtatý úshin tıisti ózgerister engizemiz».

N. Muqyshev azamattardyń ózi týraly jeke derekterdi alýǵa kelisimdi sms-habarlama kómegimen bere alatynyn túsindirdi.