Budan bylaı qazaqstandyqtar kólik salasyndaǵy zańdylyqtyń buzylýy týraly «Salem» jáne «Whatsapp» arqyly habarlaı alady

Bul týraly QR IDM baspasóz qyzmeti habarlady.

«Turǵyndarmen baılanys ornatý jáne kólik (avtomobıl, temir jol jáne sý) salasyndaǵy zańdylyqtyń buzylýy týraly aqparattandyrýdy qamtamasyz etý maqsatynda zańsyz qujattar talap etý, tasymaldaýshylar jáne jolaýshylardyń quqyǵyn buzý faktileri boıynsha +7 708 088 08 00 nómirine «Salem» jáne «Whatsapp» qyzmet-messendjerleri arqyly turǵyndardan habarlama alý ádisi iske qosyldy. Sonymen qatar, kólik (avtomobıl, temir jol jáne sý) salasyndaǵy zańdylyqtyń buzylýyna kýáger bolsańyz + 7 7172 75 47 75 nómirine qońyraý shalýǵa jáne +7708088 08 00 nómirine sms-habarlama joldaýǵa bolady», - delingen habarlamada.