Budan bylaı fılmge prokattaý kýáligin úıden nemese ofısten shyqpaı-aq «Elektrondy úkimet» portalynan alýǵa bolady

ASTANA. 11 qazan. QazAqparat - Qazaqstan Respýblıkasy Mádenıet jáne aqparat mınıstrliginiń Mádenıet Komıteti budan bylaı  fılmge prokattaý kýáligin berý boıynsha  memlekettik qyzmetti onlaın tártipte kórsetedi, dep habarlady Mádenıet jáne aqparat mınıstrliginiń aqparat qyzmeti.

«Fılmge prokattaý kýáligin berý» elektrondyq  nysanda Egov.kz  portal  arqyly kórsetiledi. Endi kez kelgen zańdy tulǵa nemese jeke kásipker úıden nemese ofısten shyqpaı-aq atalǵan qujatty alý múmkindigine ıe bolady.

Atalǵan qyzmetti alý úshin portaldyń basty betindegi «Bıznes» kategorııasynyń ishindegi «Elektrondyq qyzmet» bólimin tańdaý qajet. Paıda bolǵan tizimniń ishinen Mádenıet jáne aqparat mınıstrliginiń Mádenıet Komıtetin taýyp, ishindegi «Fılmge prokattaý kýáligin berý» tańdaý qajet. Sodan soń usynylǵan suranys nysanyn toltyryp, oǵan tıisti qujattardy tirkeý qajet. Suranys jiberilgenin elektrondyq  tsıfrlik qoly arqyly rastaıdy.

Bul aqysyz qyzmet 7 jumys kún ishinde kórsetiledi. Atalǵan merzim ishinde qyzmet paıdalanýshy prokattaý kýáligin pdf-nysanynda óziniń jeke kabınetinen úkimet saıty arqyly alady. Mádenıet bas tartqan bolsa, ol rásim eki jumys kún ishinde ázirlenedi, bul jaǵdaıda  paıdalanýshynyń jeke kabınetine bas tartý sebebiniń dáleldi túsindirmesi joldanady.