Budan bylaı depýtattardyń saılaý aldynda bergen ýádesin oryndaýy qatań baqylanady

TALDYQORǴAN. QazAqparat - Prezıdent Joldaýynda aıtylǵanyndaı, endigári depýtattardyń saılaý aldynda bergen ýádesi baqylanady. Mundaı pikirdi Almaty oblystyq máslıhatynyń depýtaty Nursultan Orynbasarov aıtty, dep habarlaıdy QazAqparat tilshisi.

«Joldaýdy tyńdap, elimizdi aldaǵy ýaqytta oń ózgerister kútip turǵanyn túsindik. Senat depýtattar sanynyń azaıýy, Ulttyq quryltaı jasaqtalýy, konstıtýttsııalyq sot qurylýy, 30 dan asa bapqa ózgeris enetini, bári - osynyń basty dáleli. Sonymen qatar depýtattardyń saılaý aldynda bergen ýádelerin oryndaýy qatań baqylaýǵa alynatyny árbir istiń nátıjeli bolýyna bastaıtyny anyq»,- deıdi «Amanat» partııasynyń fraktsııa múshesi, Almaty oblystyq máslıhattyń depýtaty Nursultan Jumabaıuly.

Sondaı-aq, Almaty oblystyq máslıhattyń depýtaty ol úshin Joldaýdaǵy aıtylǵan eń basty ózgeris - Abaı, Ulytaý jáne Jetisý oblystarynyń qurylýy.

«Bul - kópten beri eldiń kókeıinde júrgen máseleler edi. Oblystardyń qurylýy sol óńirlerdiń qarqyndy damýyna septigin tıgizedi . Ásirese shalǵaıdaǵy aýyldardyń jaǵdaıy jaqsaryp, turmysy jandana túsedi. Abaı, Shákárim sııaqty zańǵarlar týǵan ordanyń gúldenýine biz de tilekshimiz. Sonymen qatar Qapshaǵaı qalasynyń Dinmuhammed Qonaev atymen atalýy barsha qazaqstandyq azamattardyń qoldaýyna ıe bolady dep senemin. Prezıdentimizdiń «Men elimniń erteń emes, búgin baqytty bolǵanyn qalaımyn!», «Úlken ózgerister aýys-túıis jasaýmen shektelmeıdi, ózgeristerdi ózimizden bastaýymyz kerek» degeni - kúlli otandasymyzdy birlikke shaqyrǵany. Joldaýdan uqqan eń basty messedj - halyqtyń qalaýy birtindep oryndalyp jatyr»,- dep qorytyndylady depýtat.