Budan bylaı Qazaqstanda jumys berýshi sheteldik jumysshymen elektrondy eńbek shartyn jasaı alady

2024 jylǵy 1 shildedegi jaǵdaı boıynsha Eńbek sharttaryn esepke alýdyń biryńǵaı júıesinde shamamen 5,8 mln eńbek sharty tirkelgen. Onyń ishinde 1,9 mln-ǵa jýyǵy 2024 jyly tirkeldi, onyń 5 myńnan astamy HR Enbek portalynda elektrondyq formatta jasaldy.

Sonymen qatar, osy jyldyń basynan beri HR Enbek portalynyń fýnktsıonaldyǵy edáýir keńeıdi — jumys berýshiler úshin de, jumyskerler úshin de jańa múmkindikter paıda boldy.

«Máselen, 2024 jylǵy 1 qańtardan bastap 7 jyldan astam eńbek jaǵdaılary zııandy jumystarda isteıtin adamdar úshin arnaýly áleýmettik tólemdi (budan ári — AÁT) taǵaıyndaýǵa ótinish bere otyryp, eńbek shartyn buzý jáne jeńil jumysqa aýystyrý fýnktsıonaly iske qosyldy.

Búgingi kúnde HR Enbek portalynda osy baǵyt boıynsha múmkindikter arta tústi. Máselen, eńbek jaǵdaılary zııandy jumystarda isteıtin, AÁT alýǵa nıet bildirgen jumysker HR Enbek portalyndaǵy jeke kabınetinde nemese Enbek HR mobıldi qosymshasynda tıisti tólemniń aldyn ala esepteýlerin júrgize alady», dep jazdy Eńbek jáne halyqty áleýmettik qorǵaý mınıstrliginen.

Óz kezeginde, jumys berýshi AÁT taǵaıyndaýǵa jiberilgen suraý salýlar boıynsha derekterdi, olardyń mártebesin kóre alady, zııandy jaǵdaılarda jumys isteıtindermen eńbek shartyn buzýdy nemese jumyskerlerdi tólem taǵaıyndaý úshin jeńil jumysqa aýystyrý týraly qosymsha kelisimdi tirkeı alady. Jeke kabınette jumys berýshilerge óziniń jumyskerleri úshin júzege asyratyn AÁT boıynsha tólemder kúntizbesi qoljetimdi.

«Sondaı-aq, HR Enbek-te „Eńbek jaǵdaılary“ anyqtamalyǵy keńeıtildi. Endi jumys berýshi óndiristerdiń, tsehtardyń, kásipter men laýazymdardyń tizimine, aýyr jumystardyń, eńbek jaǵdaılary zııandy jáne (nemese) qaýipti jumystardyń tizbesine, sondaı-aq jumys ornyn attestattaý týraly aqparatqa sáıkes jumyskerlermen eńbek sharttaryn tirkeı alady/tolyqtyra alady.

2024 jylǵy 7 maýsymnan bastap jumys berýshiler taıaý shetelden kelgen eńbekshi kóship kelýshimen elektrondyq formatta eńbek shartyn jasasý múmkindigine ıe boldy. Mundaı shart klassıkalyq resimdeý formatymen qatar zańdy kúshine ıe bolady», — delingen aqparatta.

Budan basqa, bıyl naýryz aıynda HR Enbek portalynda «Jumyskerler portreti» fýnktsıonaly qoljetimdi boldy, onyń sheńberinde jumys berýshi óz kásipornynyń jumyskerleri: jumyskerlerdiń sany, jynysy, mártebesi (zııandy jaǵdaılarda jumyspen qamtylǵandar, zeınetkerler, kópbalaly, AÁK alýshylar, múgedektigi bar adamdar, múgedektigi bar adamdardyń qamqorshylary, sozylmaly aýrýlardyń bolýy), jumyskerlerdiń ál-aýqat deńgeıi (tabys deńgeıi, jumyskerlerdiń otbasylaryndaǵy ómirlik jaǵdaı) boıynsha paıdaly statıstıkalyq aqparatpen yńǵaıly formatta tanysa alady. Sondaı-aq, jumyskerlerdiń kelisimimen jumys berýshi ómirlik qıyn jaǵdaıǵa tap bolǵan jumyskerlerdiń tizimin olarǵa kómek nemese materıaldyq qoldaý kórsetý úshin suraı alady.

Jumys berýshilerge yńǵaıly bolý úshin qurylǵan taǵy bir fýnktsıonal — «Shtat kestesi». Osy modýl sheńberinde jalaqyny, ústemeaqylar men qosymsha aqylardy kórsete otyryp, qurylymdy, shtat quramyn jáne jumyskerler sanyn júrgizýge bolady. Fýnktsıonal atqaratyn laýazymdary men bos jumys oryndaryn, sondaı-aq qalypty jáne eńbek jaǵdaılary zııandy jumys oryndaryn esepke alý úshin paıdalanylady. Keleshekte kásiptik táýekelderdi baǵalaý jáne qoljetimdilikti ákimshilendirý boıynsha málimetterdi qosý bóliginde fýnktsıonaldy keńeıtý josparlanýda.

Budan basqa, portal arqyly salalyq, jergilikti jáne bastaýysh kásiptik odaqty, onyń ishinde jumyskerdiń kásipodaqqa kirýin tirkeýge múmkindik beretin fýnktsıonal engizildi. Aldaǵy ýaqytta fýnktsıonal ujymdyq shart jasasý bóliginde de jetildiriletin bolady.