Budan bylaı Ertis ormany aýmaǵyna kirý aqyly bolady
PAVLODAR. KAZINFORM — Aldaǵy kúzden bastap tabıǵı rezervat aýmaǵynda eki jańa baqylaý-ótkizý beketi jumysyn bastaıdy. Osyǵan baılanysty tabıǵı aýmaqqa kirý aqyly túrde júzege asyrylady.
«Ertis ormany» rezervatynyń ákimshiliginen habarlaǵandaı, № 1 baqylaý-ótkizý beketi Sadyqaşy aýyly baǵytyndaǵy jol men «Ǵabdýl Ýahıt Haziret» týrıstik baǵytyna ornatylsa, № 2beket Jańaýyl aýylyndaǵy Baýyrtal ormanshylyǵy aýmaǵynda boı jumys istemekshi.
— Rezervatqa kelýshilerden kirý aqysyn alý QR «Erekshe qorǵalatyn tabıǵı aýmaqtar týraly» Zańynyń 38-babyna jáne jeke tulǵalardyń Erekshe qorǵalatyn tabıǵı aýmaqtarǵa barý qaǵıdalaryna sáıkes keledi. Turǵyndar men týrısterge qolaıly bolýy úshin tólemdi QR-kod arqyly onlaın jasaý múmkindigi qarastyrylǵan. Tódem túbirtegin baqylaý-ótkizý pýnktinde kórsetý mindetti, — dep málimdedi rezervattan.
Rezervat aýmaǵynda ornalasqan eldi mekenderdiń jergilikti turǵyndary tıisti qujatyn (tirkeýin) kórsetken jaǵdaıda kirý aqysynan tolyq bosatylady.
Eske sala keteıik, Ertis ormanynda sırek kezdesetin túıesińir ósimdigi tabyldy.
