Budan bylaı balanyń qaı mektep ne kolledjde oqıtynyn Egov-tan bilýge bolady

QR Oqý-aǵartý mınıstrligi Tsıfrlyq damý, ınnovatsııalar jáne aeroǵarysh ónerkásibi mınıstrligimen, A.Baıtursynuly atyndaǵy «Taldaý» bilimdi zertteý men baǵalaýdyń ulttyq ortalyǵymen jáne «Ulttyq aqparattar tehnologııasy» AQ-men birlesip Egov Mobile mobıldi qosymshasynda «Bilim týraly málimetter» jańa tsıfrlyq qujatty iske qosty, dep habarlaıdy Kazinform. 

Bul qyzmetti smartfonyńyzdaǵy Egov Mobile elektrondy úkimet qosymshasy arqyly elektrondy túrde paıdalanýǵa bolady.

Barlyq aqparat Egov Mobile qosymshasyndaǵy tsıfrlyq qujattarda «Otbasy» bóliminde qoljetimdi.

Munda balabaqshaǵa baratynyn, mektepte, kolledjde oqıtynyn rastaıtyn bilim týraly málimet berilgen.

«Bilim týraly aqparatta tolyq aty-jóni, JSN, týǵan kúni, bilim berý uıymynyń derekteri, jas toby, balabaqsha úshin top ataýy, mektep úshin synyby men lıteri jáne kolledj úshin top kody kórsetiledi. Endi ata-analarǵa oqý ornynan qaǵaz túrindegi anyqtama alýdyń qajeti joq, jeke kýálik sekildi Egov Mobile mobıldi qosymshasynan málimetterdi usynýy jetkilikti», - dep atap ótti Oqý-aǵartý vıtse-mınıstri Aıbat Іlııasov.

Endi oqý oryndarynan qaǵaz túrinde anyqtamalar alý jáne talap etý alynyp tastalady. Budan basqa balanyń bilimi týraly tsıfrlyq qujattar ata-analar úshin kólikte júrý kartasyn alýda jáne basqa da qyzmetterge júginýde qajet bolýy múmkin.

Eske sala keteıik, Oqý-aǵartý mınıstrligi buǵan deıin tehnıkalyq jáne kásibı bilim dıplomdaryn tsıfrlyq nusqada berý boıynsha jumys júrgizgen edi.

Bul qujattar da Egov Mobile mobıldi qosymshasynda qoljetimdi.