Budan bylaı akademıkterdi saqalyna emes, sapasyna qarap irikteımiz – Saıasat Nurbek

ASTANA. KAZINFORM – Ǵylym jáne joǵary bilim mınıstri Saıasat Nurbek Úkimet otyrysynan keıin ótken brıfıngide Ǵylym akademııasy qalaı transformatsııalanyp jatqanyn aıtty.

«Qazir Ǵylym akademııasyn transformatsııalaý júrip jatyr. Byltyr Prezıdent janyndaǵy Ǵylym akademııasy qurylyp, mártebe berilgen. Qazir ǵylym týraly zańǵa tıisti ózgertýler engizip jatyrmyz. Keshe Prezıdent óz ókimimen Ǵylym akademııasynyń jańa prezıdentin taǵaıyndady. Erejesi daıyn. Jýyqta, eki-úsh aptanyń kóleminde jańa akademıkterdi saılaýdy bastaımyz dep oılaımyn. ıAǵnı, qazir Ǵylym akademııasy qoǵamdyq uıym túrinde jumys istep tur. Ol joıylyp, jańa akademıkterdi konkýrstyq negizde irikteý jumystary bastalady. Eńbegi sińgen, jyldar boıy ǵylymı úlesin dáleldep kele jatqan keıbir akademıkterge «Qurmetti akademık» mártebesi beriledi. Jańa akademııanyń jarǵysynda bul bar», - dedi ol. 

Mınıstr akademıkter irikteý konkýrsy múlde jańa ólshemsharttar boıynsha júretinin aıtady. 

«Mysaly, ǵylymı qyzmeti, Q1, Q2 ımpakt-faktory bar jýrnaldarda jarııalanǵan maqalasynyń sany esepke alynady. Іrikteý múlde jańa qaǵıdattar boıynsha júredi. Ol qaǵıdat ǵalymnyń jasyna emes, shynaıy ǵylymı úlesine, belsendiligine, patentter sanyna, ǵylymı jobalaryna, ınvestıtsııa tarta bilgenine qaraıdy. Sondyqtan aldaǵy 2-3 aıda akademııa shyndap transformatsııalanady. Jas boıynsha shekteý joq», - dedi Saıasat Nurbek.