Býchadaǵy kıiz úıler - bizdiń metsenattardyń Ýkraına halqyna kómegi, elshiliktiń oǵan qatysy joq - QR SІM
«Kıiz úı qoıyldy, bul jerde qandaı problema bar? Kıiz úı tigý jeke qazaqstandyq kompanııalardyń bastamasy. Azamattar ózderi aparyp, kómektesip jatyr. Ózderińiz bilesizder kıiz úı tez qurylyp, tez jınalady. Bul - bizdiń metsenattardyń Ýkraına halqyna kómegi. Sondyqtan bul jerde problema kórip turǵan joqpyz. Qazaqstanda jáne Ýkraınada eki eldiń dıasporalary bar. Árıne, Ýkraınada jaǵdaı qıyn, múmkin sondyqtan bul aqparat basqasha kórinip jatqan shyǵar», - dedi QR Syrtqy ister mınıstrliginiń resmı ókili Aıbek Smadııarov Úkimet úıinde tilshilerdiń saýalyna jaýap bere turyp.
Foto: Sergei Supinsky/AFP
Onyń aıtýynsha, Syrtqy ister mınıstrliginiń jáne Ýkraınadaǵy Qazaqstan elshiliginiń qatysy joq.
«Reseılik áriptesime aıtarym, bul - ózimizdiń, halyqtyń máselesi. Sondyqtan biz eshqandaı aqtalyp jatqan joqpyz. Kıiz úıler qoıyldy. Resmı jaýap bermeımiz», - deıdi ol.
Sondaı-aq QR SІM resmı ókili kıiz úı ornatýda eshqandaı problema kórip turmaǵanyn jetkizdi, «kerisinshe, kıiz úı - bizdiń maqtanyshymyz» dep atap ótti ol.
Eske sala keteıik, buǵan deıin Ýkraınanyń Býcha qalasynda qazaqtyń kıiz úıleri tigilgeni habarlanǵan bolatyn. Osy aqparatqa qatysty Reseı Syrtqy ister mınıstrliginiń resmı ókili Marııa Zaharova «taqyrypty odan ári qazbalaı bermeý úshin jáne osy máselege núkte qoıý maqsatynda qazaqstandyq dostar resmı túsinikteme bergeni durys bolar edi» dep málimdegen bolatyn.
Basty foto: Sergey Dolzhenko/EPA-EFE
