Býblık-Kýkýshkın juby Aýstralııa chempıonatynyń shırek fınalyna shyqty
NUR-SULTAN. QazAqparat - Qazaqstandyqtar Aleksandr Býblık pen Mıhaıl Kýkýshkın juptyq synda Aýstralııa ashyq chempıonatynyń shırek fınalyna shyqty, dep habarlaıdy QazAqparat tilshisi.
Qazaqstandyq jup úshinshi aınalymda amerıkalyqtar Stıv Djonson men Sem Kýerrımen sheberlik baıqasty.
Býblık pen Kýkýshkın qarsylastaryn 6:4, 6:2 esebimen eki sette utty.
Báseke 1 saǵat 10 mınýtqa sozyldy.
Qazaqstandyqtar jartylaı fınalǵa shyǵý úshin aýstralııalyqtar Djeıms Dakvort pen Mark Polmanspen talasady. M Kýkýshkın jekeleı synda osy M.Polmanstan utylyp qalǵan bolatyn.
Áıelder arasynda juptyq synda Elena Rybakına men Zarına Dııas ta jarysty jalǵastyrýda.
Eske sala keteıik, budan buryn Kýkýshkın men Býblıktiń Aýstralııa chempıonatynyń úshinshi aınalymyna shyqqanyn, ıÝ.Pýtıntsevanyń jeńilip qalǵanyn, Z.Dııastyń álemniń 10-raketkasyna jol bergenin jazǵan bolatynbyz.
