B'Tselem Izraıl bıligin etnıkalyq tazartýdy qoldady dep aıyptady
ASTANA. KAZINFORM – Izraıldiń quqyq qorǵaýmen aınalysatyn B'Tselem uıymy basyp alynǵan Iordan ózeniniń Batys jaǵalaýyndaǵy Deır-Djarır palestınalyq aýylyna zańsyz evreı qonystanýshylary jasaǵan shabýyldy aıyptady, dep habarlaıdy Anadolý.
Shabýyl saldarynan 26 jastaǵy Ahmed Ábý Mýhý men 53 jastaǵy Avda Farahne qaza tapty. Taǵy úsh palestınalyq jaraqat alǵan, olardyń biriniń jaǵdaıy aýyr.
B'Tselem uıymynyń dırektory ıÝlı Novak bolǵan oqıǵany Izraıl bıliginiń palestınalyqtarǵa qarsy «etnıkalyq tazartýdy» qoldaıtynynyń aıqyn dáleli dep atady.
Uıymnyń málimetinshe, qonystanýshylardyń reıdi Izraıl áskeri men polıtsııasynyń súıemeldeýimen júzege asqan.
– Qonystanýshylar palestınalyqtardyń jerine basyp kirip, ony tonap jatqanda, ásker men polıtsııa olardy qorǵap, óz úıleri men múlkin qorǵaýǵa tyrysqan palestınalyqtarǵa oq jaýdyrady, – dedi ıÝlı Novak.
B'Tselem sondaı-aq Ahmed Ábý Mýhýdyń ólimge ákelgen jaraqat alý sáti túsirilgeni aıtylatyn beınejazbany jarııalady.
Uıym halyqaralyq qaýymdastyqty da Izraıldiń zańsyz áreketterine jol berip otyr dep aıyptady.
Buǵan deıin Palestına Densaýlyq saqtaý mınıstrligi Batys jaǵalaýdaǵy Deır-Djarır eldi mekenine zańsyz qonystanýshylar jasaǵan shabýyl saldarynan Avda Abdýrrahım Avda Farahne men Ahmed Ádil Rashıd Ábý Mýhýdyń qaza tapqanyn habarlaǵan.
Aıta keteıik, buǵan deıin Londonda antımıgranttyq jáne Palestınany qoldaý sherýlerine ondaǵan myń adam shyqqanyn jazdyq.
