Bitimgerlik mıssııa: Golan jotasyna baratyn áskerılerge eki jerden aılyq tólenedi
ASTANA. KAZINFORM – Qorǵanys mınıstrligi Kazinform saýalyna joldaǵan jaýabynda Qazaqstannyń tuńǵysh derbes bitimgerlik kontıngenti sapynda Taıaý Shyǵystyń Golan jotasynda qyzmet atqaratyn áskerılerge qansha aılyq tólenetinin málim etti.
«Bitimgershilik kontıngenttiń áskerı qyzmetshileri Qazaqstan Respýblıkasynyń Qorǵanys mınıstrligi tarapynan qyzmet ótkergen ár aı saıyn úsh aılyq kólemindegi jalaqymen qamtamasyz etiledi», - delingen jaýapta.
Demek, kontıngent sapyndaǵy ár áskerı Golan jotasynda bolǵan kezeńde Qazaqstan aýmaǵynda alyp júrgen aılyǵynan úsh ese kóp alady degen sóz.
«Sondaı-aq, BUU-nyń tarapynan ár aı saıyn ár bitimgerge 1448 AQSh dollary tólenetin bolady», - dep jazylǵan jaýapta.
Eske salaıyq, 19 qańtar kúni Parlament qazaqstandyq áskerılerdiń BUU mıssııalaryna qatysý týraly Joldaýyn maquldady.
Atalǵan usynys boıynsha, Qazaqstannyń tuńǵysh derbes bitimgerlik kontıngenti myna nysandarǵa:
• Birinshi — Golan jotasynda bóliný protsesterin baqylaý kúshterine;
• Ekinshi — bitimge kelý sharttarynyń oryndalýyn baıqaý organyna;
• Úshinshi — Ońtústik Sýdan Respýblıkasyndaǵy mıssııaǵa;
• Tórtinshi — áýedegi qaýipsizdikti qamtamasyz etý ýaqytsha kúshterine qatysý úshin jalpy sany 430 adamnan aspaıtyn kontıngentti jiberý kózdelip otyr.
