«BTA saqtandyrý» kompanııasy birinshi toqsanda satylymdaryn eki esege ulǵaıtty
ALMATY. 23 mamyr. QazAqparat /Erbol Azanbek/ - BTA bankiniń «BTA saqtandyrý» enshiles kompanııasynyń qańtar-sáýir aılarynda jınaǵan saqtandyrý syıaqysy 1 443 ml. teńgege deıin ulǵaıdy. Bul byltyrǵy jyldyń uqsas kezeńimen salystyrǵanda 161,9 paıyzǵa artyq,
dep habarlaıdy kompanııanyń baspasóz qyzmeti.
1 naýryzdaǵy jaǵdaı boıynsha kompanııa aktıvteriniń kólemi 26 432 mln. teńgeni qurǵan, byltyrǵy jylmen salystyrǵanda ósim deńgeıi 9,6 paıyz. Kompanııanyń jeke kapıtaly 14,3 paıyzǵa nemese 21 649 mıllıon teńgege ulǵaıǵan. Kapıtal kólemi boıynsha «BTA saqtandyrý» naryqtaǵy úzdik tórttik boıynsha úshinshi orynda.
Kompanııanyń saqtandyrý qorjyny 1 mamyrdaǵy jaǵdaı boıynsha tehnıkalyq quraldardyń ıelerine 23,1 %, aýyrǵan jaǵdaılar úshin 20,7%, júkterdi saqtandyrý 13,2 %, temir jol kóligin saqtandyrý 9,4%, qyzmetkerlerdi oqys oqıǵalardan mindetti saqtandyrý 8%, turǵyn úıdi saqtandyrý 7,3%, avtokólikti erikti saqtandyrý 5,8%. Birinshi toqsanda kompanııa jasaǵan tólemder kólemi 489 mln. teńgeni qurǵan. Bul byltyrǵy jylǵa qaraǵanda 102,9 paıyzǵa artyq.
