BTA bankiniń enshiles saqtandyrý kompanııalarynyń birigý úderisiniń kezekti kezeńi aıaqtaldy
ALMATY. 20 jeltoqsan. QazAqparat /Erbol Azanbek/ - BTA banktiń eki enshiles kompanııasy «BTA Zabota» AQ men «Atlanta-Polıs» AQ-yn «BTA Saqtandyrý» AQ-na qosý úderisiniń kezekti kezeńi aıaqtaldy.
Buǵan sáıkes eki kompanııanyń barlyq múliktik quqyqtary jáne kredıtorlar men boryshkerlerdiń mindettemeleri «BTA Saqtandyrý» AQ-na berildi. Bul týraly búgin Almatyda ótken baspasóz máslıhatynda «BTA Strahovanıe» AQ Basqarma tóraǵasy Sergeı Lavrentev aıtty.
Esterińizge sala keteıik, qazirgi kezde BTA banktiń enshiles saqtandyrý kompanııalaryn biriktirý úderisi júrgizilip jatyr. Bul aıaqtalǵan soń «BTA Zabota» AQ men «Atlanta-Polıs» AQ «BTA Saqtandyrý» AQ-na biriktirilmek.
Sergeı Lavrentevtiń paıymdaýynsha, biriktirý úderisi 2011 jyldyń basynda aıaqtalady. "Úsh saqtandyrý uıymyn biriktirý saqtandyrý salasynda sapaly qyzmetti usyný men qyzmet túrlerin keńeıtýge múmkindik beredi. Sondaı-aq bir brend aıasynda jumys jasaýdy kózdeımiz",- deıdi S. Lavrentev.
