BTA Banki sotqa qurmetsizdik tanytýyna baılanysty M.Áblázovty jaýapkershilikke tartý týraly Anglııanyń Joǵarǵy sotyna aryz berdi

Bul týraly Banktiń baspasóz qyzmetinen habarlady.

Bank M.Áblázovqa bas bostandyǵynan aıyrý úkimi shyǵarylady dep úmittenýde. Banktiń baspasóz qyzmetinen málim etkendeı ol, sot daýlary aıasynda shyǵarylǵan sot buıryqtaryn birneshe márte buzǵan. Al sot oǵan Bankke barlyǵy 4 mıllıardtan astam AQSh dollary kólemindegi zııandy óteýdi mindettegen.

«BTA Banki», Muqtar Áblázov óziniń barlyq aktıvteri týraly aqparatty tolyq ashýdy talap etetin buıryqtardy oryndamaıtyndyǵyna alańdaýly. Sonyń ishinde, Bank M.Áblázov tıisti túrde ózi ashyp kórsetpegen 600-den astam kompanııa týraly aqparatty anyqtap, sotqa usyndy. Sondaı-aq, Bank óziniń pikiri boıynsha sottyń buıryqtarymen tyıym salynǵan aktıvterge qatysty kóptegen áreketterdiń dálelderin usyndy.

2010 jylǵy tamyzda aǵylshyn soty KPMG aýdıtorlyq kompanııasyn Ablıazovtyń aktıvteri boıynsha Syrtqy admınıstratory (receiver) retinde taǵaıyndap, teńdessiz sheshim qabyldady, sebebi, sýdıa, aktıvterdi shettetýge tyıym salý týraly sottyń aldyńǵy sheshimin M. Ablıazovpen oryndalýyna qatysty oǵan senim bildire almaıtyndyǵyn atap ótti jáne aktıvterdiń saqtalýyn qamtamasyz etý boıynsha qosymsha sharalar qabyldady.

Bankti qaıta qurylymdaý jáne onyń aktıvterin qaıtarý úderisteri aıasynda 2009 jylǵy tamyzdan beri, Bankti Áblázov basqarǵan jyldary Bankten urlanǵan mıllıard dollardy qaıtarý maqsatynda Ulybrıtanııada burynǵy basshyǵa qatysty birneshe sot qararlary ótti.

Úderis bastalǵaly beri Anglııanyń Joǵarǵy soty aktıvterdiń ornalasý ornyna baılanyssyz, M. Ablıazovty aktıvterdi shettetý múmkindigine kedergi bolý maqsatynda birneshe buıryqtar shyǵardy. Sol buıryqtarmen aktıvter týraly tolyq aqparatty jarııa etý talap etildi.

«BTA Banki» AQ Basqarma tóraǵasy Ánýar Sáıdenov: «BTA Banki» Anglııanyń Joǵarǵy sotyna birneshe mıllıard dollar somasyn qaıtarý sharalaryn usyndy. Bank jáne onyń keńesshileri júrgizgen qujattardy jáne basqa da aqparattardy taldaý boıynsha qarajattar «BTA Bankiniń» burynǵy basshylarymen tonalǵandaǵyny anyqtaldy. Banktiń osy áreketteri qaıta qurylymdaý aıasynda «BTA Bankimen» ózine júktegen zańdy mindettemelerdiń bir bóligi bolyp tabylady. Banktiń sońǵy áreketteri aǵylshyn sotyna tikeleı baılanysty jáne Bank kredıtorlarynyń múddelerin qorǵaýǵa baǵyttalǵan», - dep atap ótti.

Sondaı-aq, «BTA Banki» AQ aktıvterdi shettetý nemese aktıvter qunyn tómendetýge Áblázovqa «kómektesken» nemese bolashaqta osyndaı áreketterge baratyn úshinshi tulǵalardyń rólin odan ári zertteıtin bolady.