BTA banki M.Ábilázovqa qatysty Anglııanyń Joǵary soty shyǵarǵan qaýlyǵa qanaǵattanady
ASTANA. 17 aqpan. QazAqparat - «BTA banki» AQ taıaýda Anglııanyń Joǵary sotynyń bank Dırektorlar keńesiniń burynǵy tóraǵasy Muhtar Ábilázovty sotty qurmettemegeni úshin 22 aıǵa qamaýǵa alý týraly sheshimine qanaǵattandy, dep habarlady qarjy ınstıtýtynyń baspasóz qyzmetinen.
«Biz aktıvterdi qaıtarý protsesi jáne M.Ábilázovqa qarsy sot tekserýi aldyndaǵy bul mańyzdy qadamdy qýattaımyz. Qamaýǵa alý onyń aktıvterdi júzege asyrý múmkindigin shekteıtindigine jáne zańsyz satylǵan aktıvterdi keri qaıtarýǵa, sonymen qatar bankten jasyrǵan aktıvterdi ashýǵa múmkindik beretindigine senimdimiz», - dedi bank basqarmasy tóraǵasynyń birinshi orynbasary Nıkolaı Varenko.
Onyń atap ótýinshe, aıyptaýdyń úsh tarmaǵy boıynsha da kináli dep taný jáne 22 aılyq merzimge qamaýǵa alý týraly sheshim M.Ábilázov tarapynan alǵan zań buzýshylyqtardyń óte kúrdeli ekendigin bildiredi.
