«BTA Banki» Dırektorlar keńesiniń tóraǵasynan 1 mln dollar bopsalaǵandar ustaldy
"2019 jylǵy 19 qańtarda Bas prokýratýranyń Іshki tergep-tekserý departamentiniń qyzmetkerleri Ulttyq qaýipsizdik komıtetimen birlesip, Almaty qalasy boıynsha Memlekettik kirister departamenti Ekonomıkalyq tergeý qyzmetiniń qyzmetkeri D.Ysqaqovty jáne ýaqytsha jumyssyz D.Álpıev pen E.Súleımanovti qylmys ústinde ustady", - dep atap ótedi vedomstvodan.
Bas prokýratýra málimetinshe, atalǵan adamdar «BTA Banki» AQ Dırektorlar keńesiniń tóraǵasynan 1 mln AQSh dollaryn Bas prokýratýranyń Arnaıy prokýrorlar qyzmetiniń is júrgizýindegi qylmystyq is boıynsha máseleni sheshý úshin alaıaqtyq jolmen bopsalaǵan.
Bul rette D.Ysqaqov osy qylmystyq is boıynsha Bas prokýratýranyń vedomstvoaralyq jedel-tergeý tobynyń quramyna kirmegen.
"D.Ysqaqov, D.Álpıev jáne E.Súleımenovtarǵa qatysty Almaty qalasynyń mamandandyrylǵan tergeý soty «qamaýǵa alý» túrindegi bultartpaý sharasyn taǵaıyndady. Іs boıynsha qajetti tergeý áreketteri júrgizilýde. Ózge aqparat tergeý múddesine baılanysty jarııalanbaıdy", - delingen taratylǵan aqparatta.