«BTA Bank» nesıeleý sharttaryn ózgertýdi qolǵa aldy
ASTANA. QazAqparat - «BTA Bank» nesıeleý sharttaryn ózgertýge baılanysty, qazirgi ýaqytta ıpotekalyq jáne tutynýshylyq nesıelerdi berýdi toqtatty. Bul týraly banktiń baspasóz qyzmeti «QazAqparat» tilshisiniń jibergen saýalyna bergen jaýabynda habarlady.
«Ipotekalyq jáne tutynýshylyq nesıelerdi «BTA Bank» AQ-nyń jalaqy jobasynyń qatysýshylary bolyp tabylmaıtyn jeke tulǵalarǵa berýdi ýaqytsha toqtatý sharasy - teńge devalvatsııasyna oraı jeke tulǵalardy nesıeleý sharttaryn ózgertýge baılanysty jasalǵan qysqa merzimdi qadam. Belgili sheshim qabyldanǵannan keıin, ıaǵnı shamamen 2014 jyly 28 aqpanda «BTA Bank» AQ tólem jasaýǵa qaýqarly jeke tulǵalarǵa nesıe bere bastaıdy», - delingen habarlamada.
