BTA bank isi: 40 mıllıon dollarǵa - taýyqtyń san eti
ASTANA. QazAqparat - Búgin Almaty qalalyq qylmystyq ister jónindegi aýdanaralyq mamandandyrylǵan soty BTA banktiń burynǵy basshysy Muhtar Ábilıazovti 20 jylǵa bas bostandyǵynan aıyrdy. Buǵan qosa, onyń múlki tárkilenip, 300 AEK kóleminde aıyppul salyndy, úsh jylǵa deıin bankterde kásibı qyzmetpen shuǵyldanýyna shekteý qoıyldy. Sondaı-aq, sot Ábilıazovtiń múlkin: Almatydaǵy úı-jaılaryn, Nissan markaly avtokóligin jáne «BTA banki» AQ-daǵy úsh shotyn memleket esebine tárkileýge qaýly shyǵardy. Aıta keterligi, aǵymdaǵy jyldyń 3 sáýirinde bastalǵan sotqa Muhtar Ábilıazovtiń ózi kelgen joq, onyń múddesin memleket belgilegen qorǵaýshy Anjelıka Ájiǵulova qorǵady. Alǵashqy otyrystan-aq sottalýshylar men qorǵaýshylardyń eshqaısysy qylmystyq isti bas fıgýranttyń qatysýynsyz qaraýǵa qarsylyq tanytqan joq.
Taýyqtyń san eti - 40 mıllıon dollar
M. Ábilıazov pen onyń sybaılastary «Taýyqtyń san etip satyp alamyz» degen jeleýmen BTA bankten 40 mıllıon AQSh dollaryn qalaı jymqyrǵany sotta áshkerelendi. 2008 jyldyń shilde aıynda «Grove Services Inc» jáne «Daniels Tradekorp Inc» offshorlyq kompanııalary arasynda 50 myń tonna muzdatylǵan taýyqtyń san etin jetkizýge kelisim jasalady. Atap aıtarlyǵy, bank atalǵan mámileni júzege asyrý úshin 40 mıllıon AQSh dollaryna nesıelik jelini iske qosady. Taýyqtyń san etin jetkizý kestesi kezdeısoq tańdap alynbaǵan edi. BTA banktiń basshylyǵy osy kesteniń kómegimen eki kompanııanyń arasyndaǵy kommertsııalyq qarym-qatynasqa ekpin túsirýdi josparlaǵan.
Alaıda, is júzinde «Daniels Tradekorp Inc» kompanııasynyń quryltaıshylyq qujattaryn №6 kooporatıvtik bıznes basqarmasynyń qyzmetkerleri daıyndaǵany málim boldy. Óıtkeni osy bólim ǵana bir kúndik is-áreket úshin qurylǵan kompanııalardy ashyp, Muhtar Ábilázovke tikeleı baǵynyshty bolǵan. «Daniels Tradekorp Inc» kompanııasynyń dırektory Suseth Walthia Parris-pen aradaǵy kelisim jasalǵan kezde onyń ózi qatyspaǵan. Tipti osyndaı adamnyń ómirde bar-joqtyǵyna da kúmán bar. Bir anyǵy, nesıe beretin bólimniń músheleri de atalǵan kompanııanyń basshylyǵymen eshqashan kezdespegen. Al mámilege qajetti qujattardy Ábilázovtiń sybaılastarynan alyp otyrǵan.
Hrapýnov-Ábilıazovtiń qylmystyq sulbasy
Sotta Ábilıazovtiń Hrapýnovtar otbasynan satyp alǵan «Building Service Company» kompanııasyna 45 mıllıon AQSh dollary kóleminde nesıe berilgeni aıtyldy. 2003 jyldyń qazan aıynda Láılá Hrapýnova «Building Service Company» kompanııasyndaǵy óziniń 100 paıyzdyq úlesin satyp, odan túsken qarajatty qyzy Elvıranyń atyna Shveıtsarııadaǵy bankterdiń birinde ashylǵan shotqa aýdarady. Atalǵan kompanııanyń is júzindegi qojaıyny Muhtar Ábilıazov bolyp shyǵa keledi.
Aıta ketelik, Ábilıazovtar men Hrapýnovtar quda bolǵan áýletter: Іlııas Hrapýnov Mádına Ábilıazovaǵa úılengeni málim. Tergeýdiń málimetterine qarasaq, osynaý otbasylyq mámileniń quny 2 mıllıardtan astam teńgeni quraǵan. Biraq Muhtar Ábilıazov bul shyǵynynyń ornyn keıinerek artyǵymen toltyrdy. Arada biraz ýaqyt ótkende ol «Building Service Company» kompanııasynyń qarajatyn ózine baǵynyshty basqa kompanııalarǵa bóledi. Óıtkeni, ol kompanııalar da BTA bankten birneshe mıllıondaǵan nesıeler alyp, qaıtarmaǵan bolatyn. ol aqsha bankke sol kúıi qaıtarylmady. Al Ábilıazov bolsa urlanǵan mıllıondar men mıllıardtaryn zańdastyryp, óziniń jeke basynyń qajettilikterine jumsady.
