«BTA» bank Astanada adamdarǵa óz ózderine qyzmet kórsetýine múmkindik beretin jańa ınteraktıvti aımaǵyn ashty

«BTA» bankiniń basqarma tóraǵasy Ánýar Sáıdenovtyń aıtýynsha, ózine ózi qyzmet kórsetetin ınteraktıvti aımaq Astanada jáne jalpy Qazaqstan boıynsha birinshi ret ashylyp otyr. «Munda klıentke operatsııalardy ózdiginen ınteraktıvti rejimde júzege asyrýǵa múmkindik beretin qurylǵylar ornatyldy. Bul aımaqty, 7-shi Qysqy Azııa oıyndaryn uıymdastyrýshylarmen yqpaldasa otyryp ashyp otyrmyz. Ol Azıada qonaqtary men elorda jáne onyń qonaqtarynyń yńǵaıy úshin jumys isteıtin bolady dep senemiz», - dedi ol.

Onyń sózine qaraǵanda aldaǵy ýaqytta ınteraktıvti rejimde nesıe alýǵa bolatyn jaǵdaılar jasalmaq. Ázirshe, olar arqyly valıýta aıyrbastaýǵa; ártúrli qyzmet túrlerin tóleýge, onyń ishinde kommýnaldyq, kabeldi telearna, saqtandyrý kompanııalary men bilim berý mekemeleriniń oqý aqysyn óteýge sondaı-aq, salyqtardyń barlyq túrlerin, «Eır Astana» kompanııasynyń avıabıletterin tóleýge, banktik shotty toltyrýǵa jáne nesıeni óteýge bolady. Sonymen qatar, ártúrli uıaly telefondarǵa aqsha laqtyrýǵa jáne ınternet bankıngpen (bank klıentteri úshin) qoldanýǵa bolady. Qurylǵylar aptasyna jeti kún jáne 24 saǵat boıy qol jetimdi. Sondaı-aq, komıssııalyq alymdar banktiń bólimshelerine qaraǵanda 20 paıyzǵa arzan.

«Ózine ózi qyzmet kórsetýdiń jańa ınteraktıvti aımaǵynyń ashylýy - Azııa oıyndaryna júrgizilip jatqan daıyndyq sharalarynyń biri. Birneshe aıdan keıin oıyndar bastalady. Qazaqstanǵa 30-dan astam elden sportshylar, bapkerler, Halyqaralyq Olımpıada komıteti men Azııa Olımpıadalyq keńesiniń ókilderi, jankúıerler men týrıster keledi. Osy rette, Azııa oıyndary Qazaqstannyń barlyq salalaryna, olardyń ishinde qonaq úıler, meıramhanalar keshenderi, demalý oryndary, kólik kompanııalaryna baǵa beretin taǵy bir kezeń bolmaq jáne banktik sektor bul synaqtan shetkeri qalmaıdy», - dep atap ótti 2011 jylǵy Azııa oıyndaryn uıymdastyrý komıteti Marketıng, aqparattyq jáne ımıdjdik qoldaý departamentiniń dırektorynyń orynbasary Álibek Áıdyn.

Á.Aıdynnyń aıtýynsha, jýyrda «Saryarqa» saýda oıyn-saýyq ortalyǵynda Azııa oıyndary týraly barlyq aqparattar ornalastyrylatyn - aqparattyq pavılon ashylady.