«BTA Bank» AQ-nyń banktik operatsııalardy júrgizý lıtsenzııasynyń áreketi toqtatyldy
ASTANA. QazAqparat - 23 maýsymnan bastap BTA-nyń Qazaqstan Respýblıkasynyń Ulttyq Bankine lıtsenzııanyń áreketin toqtatý týraly erikti túrde bergen ótinimine baılanysty BTA-nyń banktik operatsııalardy jáne baǵaly qaǵazdar naryǵynda qyzmetti júrgizý lıtsenzııasynyń áreketi toqtatyldy, dep habarlaıdy «Qazkommertsbank» AQ baspasóz qyzmetinen.
Lıtsenzııanyń áreketi QR Ulttyq banktiń «BTA Bank» AQ-na berilgen banktik jáne ózge de operatsııalardy, sondaı-aq baǵaly qaǵazdar naryǵynda qyzmetterdi júrgizý lıtsenzııanyń áreketin toqtatý týraly» 2015 jylǵy 23 maýsymdaǵy №268 buıryqtyń negizinde toqtatyldy. BTA Banktiń lıtsenzııany erikti túrde qaıtarýy KKB men BTA ıntegratsııasynyń maquldanǵan josparyna sáıkes atqaryldy. 15 maýsymda qos bank aktıvter men mindettemelerdi bir-birine bir mezgilde tabystaý týraly kelisimge qol qoıdy. Kelisim aıasynda BTA aktıvteri men mindettemeleriniń bir bóligi KKB-ǵa berildi, al KKB-nyń problemalyq aktıvteriniń bir bóligi BTA-ǵa ótti. Aktıvterdi jáne mindettemelerdi bir-birine bir mezgilde tabystaý týraly kelisimniń sharttary boıynsha, KKB Qazaqstan Respýblıkasy zańnamasynyń talaptaryna sáıkes BTA jáne onyń klıentteri arasyndaǵy kelisimderde belgilengen barlyq talaptardy saqtaı otyryp, mindettemelerdi tolyq kólemde oryndaıdy.
