«BTA bank» AQ fılıalynyń basshysy valıýtalyq operatsııalar erejesin buzǵany úshin jazalandy
QARAǴANDY. QazAqparat - Qaraǵandyda valıýtalyq operatsııalar erejesin buzǵany úshin «BTA bank» AQ fılıalynyń basshysyna 185 myń teńge kóleminde aıyppul salyndy, dep habarlady QR Ulttyq bank fılıalynyń dırektory Dáýrenbek Májıtov.
«Ókinishke oraı, úsh bankte belgili bir buzýshylyqtar oryn alǵan. «BTA bank» fılıaly boıynsha ákimshilik quqyqbuzýshylyq týraly hattama toltyrylyp, onyń basshysyna 185 myń 200 teńge kóleminde aıyppul salyndy», - dedi búgin oblys ákimdiginde ótken májiliste D. Májıtov.
Ol dollar baǵamy úshin 2 teńgege marja boıynsha normatıvtiń saqtamaǵandyǵyn aıtty. «Olar jazalaryna kelispeı, qarsylyq bildirmekshi», - dedi Ulttyq bank fılıalynyń dırektory.
Sonymen qatar, onyń aıtýynsha, anyqtalǵan buzýshylyq faktiler boıynsha «Qazkommertsbank» pen «Delta Bank» bankterine qatysty materıaldar QR Ulttyq banktiń bas keńsesine jiberilgen. Tıisti sheshimdi Valıýtalyq operatsııalar departamenti qabyldaıtyn bolady.
«Búgin oblys boıynsha jalpy ekinshi deńgeıli bankti qosa alǵanda, 278 aıyrbastaý pýnktteriniń 225-i (teńgeniń baǵamyn túzetkennen keıin) tekserildi. Olardyń kópshiligi jumysty adal jolmen istegen», - dep atap ótti D. Májıtov.
