«BTA Bank» AQ dırektorlar keńesiniń burynǵy múshesi qamaýǵa alyndy - qarjy polıtsııasy
ASTANA. 18 sáýir. QazAqparat - 2012 jylǵy jeltoqsanda QR Bas prokýratýrasy «BTA Bank» AQ-nyń aqshalaı qarajattaryn urlaý faktisi boıynsha qylmystyq istiń 1770 tom kólemindegi materıaldaryn ári qaraı tergeý úshin Qarjy polıtsııasy agenttigine jibergen bolatyn.
Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginde ótken brıfıngte atalmysh vedomstvonyń resmı ókili Murat Jumanbaı málim etti.
«Agenttiktiń jedel tergeý tobymen bul qylmystyq isti tergeý barysynda atalǵan qylmystardy jasaýǵa «BTA Bank» AQ dırektorlar keńesiniń burynǵy múshesi Erlan Tátishevtiń qatystylyǵy anyqtaldy. Aǵymdaǵy jylǵy 16 sáýirde E. Tátishev ustaldy jáne Almaty qalasy Іshki ister departamentiniń ýaqytsha ustaý abaqtysyna qamaldy», - dep atap ótti M. Jumanbaı.
Onyń atap ótýinshe, atalǵan qylmystyq is tergelýde. Ózge aqparat tergeý múddesine baılanysty jarııalanbaıdy.
