Bishkektiń joǵary oqý oryndary men kolledjderinde sabaq bastalatyn ýaqyt ózgerdi
ASTANA. KAZINFORM – Qyrǵyzstan astanasynda ýnıversıtetterde, kolledjderde jáne kásiptik lıtseılerde sabaq saǵat 10-nan erte bastalmaıdy. Tıisti qaýlyǵa QR Mınıstrler Kabıneti qol qoıdy.
Qujatqa sáıkes, Qyrǵyz Respýblıkasynyń Áskerı jáne quqyq qorǵaý organdarynyń júıesine kiretin orta jáne joǵary kásiptik bilim berý uıymdaryn qospaǵanda, Bishkek qalasynyń aýmaǵynda ornalasqan Memlekettik bastaýysh, orta jáne joǵary kásiptik bilim berý uıymdaryndaǵy oqý sabaqtary saǵat 10:00-den erte bastalmaıdy.
Buǵan deıin Bishkek qalalyq ákimdigi jol-kólik ınfraqurylymynyń shamadan tys júktelýin azaıtý jáne balalardyń ómiri men densaýlyǵynyń qaýipsizdigin qamtamasyz etý maqsatynda mektepterdegi oqýdyń bastalý ýaqytyn saǵat 8:00-den erte, al kásiptik mektepter men joǵary oqý oryndarynda sabaqtardy saǵat 10:00-den keıin qoıýdy usynǵan bolatyn.
Bul sharalar joldardyń kólikterge shamadan tys júktelýimen túsindiriledi, bul oqý oryndarynda sabaqtyń bastalýy men aıaqtalýyna sáıkes keletin ýaqyt aralyǵynda keptelis týdyrady.
