Bishkektegi JEO apatynan zardap shekkender emdelý úshin Túrkııaǵa attandy

ASTANA. KAZINFORM - Qyrǵyz Respýblıkasynyń prezıdenti Sadyr Japarovtyń tapsyrmasymen 3 aqpanda Bishkek JEO-da zardap shekken eki adam, sondaı-aq tikushaq apaty kezinde zardap shekken eki áskerı qyzmetker odan ári emdelý úshin Túrkııadaǵy mamandandyrylǵan klınıkalardyń birine jiberildi. Bul týraly Kabar aqparat agenttigi jazdy. 

Zardap shekkendermen birge týystary, sondaı-aq eki qyrǵyz dárigeri erip barady. Olar prezıdenttik TÝ-154 reısimen ushyp ketti.

«Zardap shekkenderge kómek kórsetý boıynsha barlyq shara Qyrǵyzstan Respýblıkasy Prezıdentiniń jeke baqylaýynda bolady. Emdelýge baratyn qyzmetkerlerdi, olardyń týystaryn jáne medıtsına qyzmetkerlerin Túrkııaǵa jetkizý úshin qarajat bólindi», - delingen habarlamada.